Rouby's Blog

- السلام عليكم و رحمة الله وبركاته من خلال أحصائيات المدونه، كثير منكم يبحثون عن تدوينات السفر و السياحة لذا التدوينتين القادمتين بتكون مخصوصه لمحبين السفر و الترحال. [صورة لنهر البجعة ال Swan river  في قلب مدينة بيرث الأسترالية، سبتمبر ٢٠١٩] في سبتمبر ٢٠١٩ و خلال أجازة الترم، أستمرار لأكتشاف قارة أستراليا الجميلة توجهت للمدينة الخامسة في القائمة وهي مدينة Perth، المدينه تقع في غرب أستراليا وهي أكبر الولايات الخمس في أستراليا. كان فيه حماس يسبق الذهاب، وصفتها أحد زميلاتي بأنها ميامي أستراليا و أنخلقت عندي توقعات و تصورات فضيعه، صحيح المدينة كانت صدمه لكن بشكل جميل.(بعيده كل البعد عن ميامي الأمريكية) هذي المدينه هي الأقل تفضيلاً من المدن اللي زرتها في أستراليا، لكن حميمية جداً، كذا ملمومه و تحسون المدينه كلها عبارة عن بيت واحد كبير. الولاية فيها جزر تابعه لها و تستحق الزيارة لكن لضيق الوقت زرت وحده فقط. الأفضل تبحثون عن الجزر و تشوفون اللي يناسبكم، وتروحون لها ولا تقضون في المدينه سوى يوم واحد كفاية من الصباح للمساء راح أتكلم عنها بشكل حيادي، لأن المقيمي

السلام عليكم و رحمة الله و بركاته أسعد الله أوقاتكم بكل خير. أنتهت الأجازه و رجعنا للروتين! أحب الروتين جداً و ما أفضل أن اليوم عندي يجري باللي يجي فيه.  أنا أنسانه صباحيه بالدرجة الأولى، أجلس سبعه الصباح حتى بالعطلات و أستمتع بيومي، الصباح فيه بركة و أنجز ١٠٠٪ بوجود نور الشمس.   شهري يونيو و أغسطس من عام ٢٠١٩ عانيت من خربطة نوم غير طبيعيه، أثرت علي في دراستي، صحتي، مزاجي و روتين يومي. أسباب هذي الخربطة كثيرة ممكن بسبب العمل، مناسبات أجتماعيه، حب للسهر، أرق أو حاجات ثانيه. لذا تدوينة اليوم مخصصه عن النوم! مشاكل النوم، كيف تخلصت منها و صرت أنام و أصحى بشكل منتظم و سليم. -حضروا شاي بالليمون و أهلاً بكم في المدونة من جديد-  [ألتقطت الصورة في مدينة بيرث الأسترالية عام٢٠١٩] يونيو/جولاي هي أشهر أختبارات في أستراليا لذا كانت فترة ضغط نفسي + دراسي فضيع. هالشيء أثر على نومي، صار غير منتظم و بالتالي أثر على صحتي و سير يومي الطبيعي. جاني أرق و هو من النوادر اللي تصير لي، نوم متقطع، أسهر لوقت طويل، ما أصحى بدري، صداع، جسمي تعبان و  بخمول طوال اليوم.  بحثت

- السلام عليكم و رحمة الله و بركاته  طابت أيامكم و أتمنى أن أنجزتوا، أرتحتوا في عطلتكم و قضيتموها بشكل جيد.  لأن نستعد لترم دراسي جديد للبعض  و سنه دراسية جديدة للبعض الآخر، حبيت أكتب فضفضه بسيطه و سريعة لعلها تكون قريبه لقلوبكم و تساعدكم بالفتره القادمة.  من زمان عندي إيمان عميق بأن من يساعد الناس، الله يفرج له همه حتى لو بعد حين و يفتح له أبواب سعة رزقه سواء بالمال، بالعلم، بالصحه و غيره.  الأيمان هذا أنولد مع تربية أمي لي و لبقية أخوتي ( ساعدي الناس = الله يساعدك ).  بدأ يكبر معاي هذا الإيمان و أستشعره في كل مره يصعب علي موضوع، مع الدعاء و الصلاه، فدعوات الناس اللي ساعدتهم كانت كفيله بأنها تخرجني من الضيق.  [ألتقطت الصورة في ٢٠١٨ في مدينة القولد كوست] روح أسأل قـوقـل!  كثير ناس مرت بتجارب شيقه و صعبه في الحياه. هذي التجارب هي اللي تخلق شخصية الإنسان و تصقله. تعلمه الصح من الغلط، تبين له خفايا الأمور و غالباً هذولا الناس هم اللي تكون عندهم خبره أكبر في أمور الحياة. الناس اللي تطلع من منطقه الراحه و تعالج كل شيء بنفسها، عادة عندهم حس قيادي و يق

- السلام عليكم و رحمة الله و بركاته إن شاء الله أنكم بصحة جيدة. و لأن بطاري الصحة، تدوينة اليوم بتكون مخصوص عن الوجبات الصحية للتخسيس.  اللي مهتم بهالموضوع، حضروا شاي أخضر و أهلاً و سهلاً.  في بداية ٢٠١٩ كان العزم أني أنزل وزني و بدأت بأول خطوه وهي أني أغير عاداتي الغذائية  و فعلاً بحثت كثير عن مواقع توفر وجبات غذائيه للتخسيس، إشتركت و إستفدت كثير بأن عرفت كيف يقدمون الوجبات بناء على المعلومات اللي وفرتها عن جسمي و أحتياجه،  أهم العناصر اللي تتوفر بوجباتي و إستفدت أني أسويها لنفسي في أحيان كثيره و ما أجدد الإشتراك.  أستمريت على الوجبات لحد أكتوبر ٢٠١٩ تقريبا ٨ شهور بين on و off.  في تدوينه اليوم راح أشارك معاكم:  - شركة أسترالية مختصه في وجبات الحمية.  - حساب لطبخ وجبات حميه منزلية حلال في ملبورن.  - تجربتي الشخصية مع هذا النوع من الوجبات.  - محاسن و مساوئ الإشتراك في وجبات الحمية. يمكن البعض يحس أن التدوينه موجهة للي متواجدين في أستراليا، لكن نفس الحال متوفر بالسعودية وبخيارات متعدده. شركة وجبات الحمية الأسترالية MY MUSCLE CHEF «Good Food,